افضل جهاز في عالم . ‏ ‏10 ‏معايير ‏لافضل ‏جهاز ‏في ‏العالم ‏

افضل جهاز في عالم . . . تحب الآمان ادي الآيفون وعليك لامان بلاك كامل سمعنا هذه التوصيات ولا حاجة من هذا القبيل ، وحتى وقت قريب كان انك برك تقول إن نظام IOS فيه ثغرات ولا قابل للاختراق حاجة مستحيلة التقبل في أواسط التفاحة المقضومة. 

ليوم في في ارواح تفهم نحكيو على الموضوع ونحيبوه من الآخر كيما يقولوا 🙏

لكن ماهي حكاية أبناء العم ستيف مع الآمان و وعلاه دايمن نسمعوا بمشاكلهم مع FBI.

اولا نبدأ بالسؤال الأهم . . . 

هل آيفون فيه ثغرات !؟

 نعم بكل بساطة لأن القاعدة تقول اي نظام تشغيل في العالم لديه ثغرات مهما كان ومهما وصل إلى تطور وكان مغلقا أو مفتوح المصدر.

نزيدك رئيس أحد شركات المتخصصة في الامن المعلوماتي والكشف عن الثغرات صرح انهم توقفوا عن شراء ثغرات الخاصة بنظام IOS لأنه خلاص قاعدة البيانات ديالهم تعمرت ومشي قادرين على أنهم يزيدو يستقبلوهم . . . 

هنا نجيو لسؤال آخر هل اي واحد قادر يخترق آيفون 🤔

شوف هنا لازم من لاول كامل نديرو منطلق شباب بزاف وهو انو كاين وحد اعتبارات لازم تكون عندك باش تتحسب وتكون مصنف أولها ايفون ديالك يكون بآخر التحديثات وهذا أقل الايمان وميكونش فيه جيلبريك مثلا (لانو لتم راك دخلت في مرحلة أخرى تماما منهدروش عليها. . . )

ايه مشي اي واحد قادر يخترق آيفون علاه !؟ لانو ثغرات لي كاينة معظمها غالية الثمن ومع احتراماتي ليك شكون نتا باش هاكر يستغل ثغرة بملايين الدولارات على جال سواد عيونك مثلا . . . ووش راح يربح كي يخترقك !؟ وشنو تبقى مشاكل الهندسة العكسية

الهندسة العكسية تقدر طيح بيها مستخدم آيفون 🤔 

هنا بلاك تظهر محاسن انو نظام IOS مغلق المصدر يعني من المستحيل مثلا تنزل تطبيق من خارج الستور الرسمي، وهنا في أنظمة أخرى سحالزمن هاتف اخترق فقط لانو المستخدم حمل فيلم ولا شيء من سورس مشي معروفة،

 وآبل دايمن تتعامل معاك انك إنسان متعرفش وش راك دير ومشي دايرة فيك ثقة، علابيها منحيتلك جانب كبير من الحرية وبيني وبينك بزااف من المستخدمين هدا وش يليق معاهم يعني هاوليك تليفون نمدلك مساحة تع تحرك ونحيلك جزء كبير من حريتك بصح نظملك الآمان بصفة حتى ولو كنت غبي بكل طرق الاختراق. وهذا أمر بلاك يخلي بزاااف ناس يسمحوا في الحرية هديك . . . 

نختموها بحكاية الايفون مع وزارة العدل الامريكية خاصة في الفترة الاخيرة وين صرا اطلاق نار في قاعدة عسكريةولا حكاية هكدا وين طالبت الوزارة من فك تشفير ايفون 11 برو ماكس تع المتهم ووبكل بساطة ابل قالت انو مستحيل نقدرو ندخلوا للهاتف . . . 

 بصح بعدها وزارة العدل الامريكية بشهور قالت انها استطاعت الدخول الى الهاتف وفك تشفيره ووصول الى معلومات لي كانت حابة وكلاشات ديراكت آبل لي ردت بعدها وقالت انها دوما تسعى لخدمة الحكومة لكن . . . . لكن . . . .

آبل في الحقيقة قدمت مساعدة جليلة للوزارة وللشركات المسؤولة عن العملية بصح كيفاه 🤔

 بالسر الكبير لي تمتلكه ابل وهو الـ ICLOUD صح ايفون متقدرش تدخل للهاتف ديالك بصح الكلاود حكاية اخرى حبيبو اعرف بلي اي معلومة تسجلها في الكلاود قادر الوصول اليها من ابل ولا اي جهة حكومة متعاونة معها وتقدر من خلالها تعرف بزااف امور لي تخليها تتغلب على تشفير هاتفك. مثال الاماكن لي زرتها المواقع دياولك وبلاك حتى مستنداتك ادا كنت طلعهم في كلاود.

اذا المختصر المفيد لو نتكلم بشكل عام آبل استثمرت جيدا في عالم الامان وهذا امر اذا كان مكان يعتبر عيب للشركة لانو تقريبا المسلك الوحيد لي تقدر تغفرلهم على الحرية لي ينحوهالك وكي تكون مستخدم عادي ومهتم بالامن ديالك الايفون راح يكون خيار اكثر من مثال.

🔴 ناقشني في التعليقات ادا كنت من متسعملي ايفون وش تفضل الحماية لي يقدمها النظام ولا الحرية 🤔

اعداد وكتابة عبد الحق

المصادر 

المختص في امن المعلومات Mohamed A. Basset ومتصدر لمرات عديدة قائمة مكتشفي الثغرات في فايسبوك وصاحب شركة تعمل في مجال امن معلومات.